Rapport

Per Gunnar slit seg opp frå Olderfjord i tung, blaut snø og pulken full av brus og allslags. Like godt å drikke han opp. 

• Dag 7

Overnatta på Davit Fransajavri (javri=sjø/vatn) i ei privat hytte med sjel i både tak og vegger. Blei så fascinert at vi gløymte å ta bilete. Til og med truleg slekt av Per Gunnar som eig hytta, Margunn Søyland. Søster til Kåre?

Frå venstre: meg, Kirsten, Anders (boss) og Marie Eira

På vår vakre veg møtte vi ein Eira-familie på sin nest siste reindriverdag etter ei uke i felten.

Det blei ein drøymedag med skarpt føre, sol og pulk som fløyt godt. Vi gjekk bortimot tre mil, motivert av å overnatte i gamme ved Guoddesjavru - det har vi aldri gjort før.